Hollenskir bankar...arrrg

Ég kann orðið þónokkrar sögur af ferðum mínum í bankann hér í Hollandi. Sérstaklega um minn ágæta banka ABNAMRO. Hér koma nokkur ráð til að takast á við "fúla" bankastarfsmenn í Hollandi.

1. Taktu inn góðan skammt af róandi eða drekktu nokkra bjóra áður en þú mætir

2. Það er ekkert einfalt, hafðu það í huga

3. Hafðu ávallt með þér vegabréfið þegar þú ferð í bankann

4. Þú getur ekki tekið út meira en 500 evrur á sólarhring, ekki búast við því að gjaldkerinn afgreiði þig heldur verður þú að nota netbanka eða hraðbanka til að gera það.

5. brostu og reyndu að koma með einfaldar leiðir til að leysa vandann. Meira að segja það að afpanta mánaðarlegar millifærslur getur reynst þeim ofviða.

6. Ef svo vill til að þú ferð ekki í þitt útibú ekki búast við því að fá upplýsingar um þinn reikning. Í mestalagi kemur uppúr starfsmanninum að reikningurinn þinn sé ekki í þessu útibúi og þau sjái ekkert hvernig þetta virkar, jafnvel þótt að þú hafir upphaflega gengið frá þessu í þessu útibúi.

Frekari ráðleggingar um hvernig takst skuli á við Hollenskt skrifræði er hægt að fá gegn vægu gjaldi. 

einn pirraður eftir bankaferð...

Athugasemdir

[Jón Grétar Sigurjónsson, 2.7.2008 kl. 01:47]

Þetta hljómar bara eins og írska kerfið, eru írar í útrás þarna? Þar gat ég ekki opnað reikning nema vera með gíróseðil frá síma eða internetfyrirtæki fyrir áskrift. En þá áskrift fékk ég ekki nema vera með bankareikning... snillingar!

[Guðný og Reynir, 3.7.2008 kl. 00:34]

Skil þig vel, hélt að Bandaríkjamenn væru svo framarlega í öllu, en nei ekki alveg, maður þarf að borga flesta reikninga með því að skrifa ávísun og senda í pósti!! Þyrftu aðeins að kynna sér betur greiðsludreifingu og heimabanka!!

[Andrés (IP-tala skráð) 3.7.2008 kl. 12:49]

Svo áttu líka í vændum skemmtilegan tíma þegar þú ætlar svo að segja upp viðskiptum við ABNAMRO þegar þú flytur heim. Það tók mig ansi margar ferðir í bankann löngu eftir að ég fluttist heim (sem betur fer var ég mikið á flakkinu aftur út). Það er ekki hægt að loka reikning og taka út það sem þú átt inni á honum... Nei ef þú hefur heimilað einhverjum að taka út af reikningnum þá verður bankinn að fá staðfestingu frá þeim aðila (rafmagn, hiti, vísa, sími o.s.frv.) og þá fyrst geta þeir lokað. Fram að því halda þeir áfram að rukka þig um þóknanir og setja þig í mínus þó svo þú sért ekki með yfirdrátt