Frábær aðstaða

Ég ákvað í dag að nýta mér aðstöðuna í skólanum til að læra, ekki fara beint heim eftir tíma eins og ég hef gert hingað til. Það er ekkert smá flott aðstaða í skólanum. Sérstök lestofa, vinnuherbergi og tölvuver. Risa mötuneyti, kaffitería, tveir strandblakvellir svo fátt eitt sé nefnt. Ég náði allavega að koma svo miklu í verk áðan að ég held ég fari bara að segja þetta gott í dag og koma mér aftur til Leiden. Þarf að mæta í vinnuhóp klukkan níu í fyrramálið þannig að ég hef morgundaginn líka til að vinna.

Vinnan er sem sagt hafinn að fullu núna. Ég þarf að skrifa tvö blogg á www.so03msquest.uniblogs.org á viku auk þess að commenta á blogg hjá öðrum. Að auki munum við á fimmtudaginn fá áskorun frá kennaranum sem við höfum viku til að vinna. Þetta er bara annar áfanginn í hinum þarf ég að vinna verkefni um Tesco fyrir næsta þriðjudag, ætti að vera frekar einfalt þó.

Við ákváðum samt í gær að fá okkur eitthvað gott að borða og skelltum okkur á Ítalskan stað rétt hjá. Það er nefnilega mánudagstilboð hjá þeim, allar pizzur á 6 evrur. Pizza, bjór og heima að lesa svo, ekki slæmur díll það :-)  

Athugasemdir

[Fríður Finna (IP-tala skráð) 14.9.2007 kl. 11:24]

Þannig að þegar ég kem, að þá á ég að vera fram á þriðjudag? ;o)

Það er annars hundleiðinlegt að kommenta hjá þér, aldrei vitað annað eins vesen við eitt komment! Bæta úr þessu takk fyrir takk! 

[Jón Ingvar Bragason, 15.9.2007 kl. 13:43]

skráðu þig bara á blog.is og þá er þetta ekkert vesen.

[Matthijs Wolters (IP-tala skráð) 20.9.2007 kl. 21:01]

No clue what you're saying, but the fact that the MS blogs are mentioned is nice to see. It seems you're well experienced in blogging :)

Keep up the good work and enjoy your stay in Holland!

PS very hard these sum-riddles in Icelandic...