Gleðilegt sumar

Sumarið er komið formlega á íslandi í dag. Í fyrsta skiptið í mörg ár að þá er ég ekki að spila í skrúðgöngu, ótrúlegt en satt að þá saknar maður þess nokkuð. Aldrei að vita nema að maður taki eina einstæða skrúðgöngu í Hollandi.

Vetri er nú lokið. Ég hef aldrei í mínum minnum upplifað svona lítin snjó, mikinn kulda og rigningu. Það er jú skrýtið að búa í landi sem að það snjóar ekkert að viti og enginn alvöru stormur kemur allan veturinn. Það næst sem komst snjó í vetur var ferð mín til Rieneck um páskana og stuttu síðar í Kandersteg.

En nú er sumarið gengið í garð og því er spáð að það verði heitt hér á meginlandinu. Sjáum hvort maður lifir það af eða bráðnar í hitasvelg.

Gleðilegt sumar!

Athugasemdir

[Jón Grétar Sigurjónsson, 24.4.2008 kl. 16:09]

Suss, ég fór greinilega ekki nægilega langt frá klakanum. Skítakuldi og rigning hér í allan vetur! Reyndar sólarglæta í dag og 12 stiga hiti en á að fara að rigna seinna...surprise surprise!