Rukkudukku dukku rukkuduk

Eitthvað á þessa leið hljómaði lagið jungle drums á stórgóðum tónleikum með Emílíönu Torrini síðastliðin sunnudag. Við höfðum keypt okkur miða F.K. (fyrir kreppu) en það var sannarlega þess viðri að komast út úr húsi. Nýja platan hennar er stórgóð og einnig sýndi hún á sér góðar hliðar sem uppistandari með allskonar grín á milli laga. Einstaka tafs orð eins og "hérna" komu upp hjá henni en það var nú bara fyndið. Sigtryggur Baldursson var stórgóður á trommunum, enda mikill snillingur þar á ferð. Tónleikarnir voru sem sagt frábærir og ég mæli með því að fólk skelli sér á tónleika við tækifæri. 

Í gær var stórdagur hjá mér. Byrjaði daginn á atvinnuviðtali út af vinnu í Brussel. Verð nú að segja að ég vona að ég þurfi ekki að standa lengi í atvinnuleit og er nokkuð ánægður með mína frammistöðu í gær. Vonandi að viðspyrjendur hafi verið jafn ánægðir. Strax og viðtalinu lauk var haldið í próf í skólanum og svo seinnipartinn var ég á símafundi út af skátamálum á íslandi. 

Þrátt fyrir fjöruga daga að þá verður maður að halda áfram og taka upp þráðin við lokaverkefnið.

Við stöndum ágætlega en ég vona að millifærslur við ísland fari að komast í lag. Höfum bara lifað mjög sparlega og lítíð gert sem kostar einhverja evrur. En það styttist í að við þurfum að greiða leigu og annað þannig að vonandi fáum við evrur fyrr en seinna.  

Athugasemdir

[hgret (IP-tala skráð) 17.10.2008 kl. 06:30]

Pasta, kjuklingur og bannað að versla í Ah. Böðin tekin i næsta sýki. Þannig eru kreppudagarnir hjá okkur hér í Nieuw Vennep...

Þyrftum endilega ad fara að hittast aftur, getum slegið saman í afgangaveislu ad þessu sinni.

Kv,

Hjalti & Co.

[Jón Ingvar Bragason, 17.10.2008 kl. 10:21]

Já við eigum þetta fína hangikjetslæri sem við vorum að spá í hvað við ættum að gera við! Eigum nefnilega ekki pott til að elda það!