Góð helgi í þýskalandi

Ég sem sagt "skrapp" til Rieneck í Þýskalandi um helgina á IMWe fund. Fékk ódýrt flug með Lufthansa og var sóttur og keyrður á flugvöllinn, ekki slæmur díll það. Við vorum sem sagt að skipuleggja IMWe sem er haldið um páskana ár hvert í Rieneck í Þýskalandi. Mér til mikillar ánægju og undrunar eru nú þegar 15 íslendingar skráðir til leiks, ekki slæmt það.

Ég kom heim um sex leytið í gær eftir svefnlitla helgi, maður er nú að verða eitthvað gamall held ég nú bara. En það þýðir ekkert að vera með einhvern aumingjaskap heldur hefjast handa við lestur á nýjan leik!!!

Já alveg rétt gleymdi einu. Á leiðinni til Þýskalands síðsta föstudag náði ég mér í eintak af Financial Times. Þar var mjög áhugaverð grein um hvernig ekki eiga reka flugfélag - Alitalia. Það er alvega magnað hvernig Ítölum hefur tekist upp við þetta að klúðra málunum trekk í trekk og ekki bætir úr skák að verkalýðsfélögin hafa ásamt pólitíkusum verið erfiðasta ljárinn í vegi fyrir endurbótum á rekstrinum. Já en ég ætla nú víst ekki að fara nánar út í þessa sálma hér!!!

Ég er í Rieneck

Ég tók flugið í gær til Frankfurt og er núna í þeim frábæra stað Rieneck á IMWefundi. Við erum að skipuleggja næsta IMWe sem haldið verður um páskana á næsta ári. Þetta gengur nokkuð vel hjá okkur þrátt fyrir að helminginn af liðinu vanti. Við erum allavega komin með 77 skráningar sem þýðir að það eru bara 20 pláss laus :-)

Takk Andrés fyrir ráðleggingarnar með Palm. Hann fæst reyndar ekki á pöbbunum hér, lítið um Belgíska bjóra í Leiden en ég fann hann í Degros stórmarkaðnum.

Er Kaplan með of flókið kerfi?

Ég kom niður á áhugaverðan punkt í bókinni sem ég er að lesa: "Designing Effective Organizations" eftir Michael Goold og Andrew Campell frá árinu 2002. Bókinn gengur út á 9 skrefa próf sem hægt er að framkvæma til að hanna skilvirka skipulagsheild.

Í bókinni er minnst á Robert Kaplan og kenningar hans um "balanced business scorecard". Þar segir að hugmynd Kaplans sé að þú þurfir fleiri mælikvarða heldur en hagnað til að hvetja starfsfólkið áfram. Þess vegna þurfi að hanna safn af mælikvörðum svo allir viti hvað þeir eigi að gera og stefna að.

Hins vegar er bent á það í bókinni að þetta kunni að verða of flókið og kostnaðarsamt að finna nákvæmlega hvað þessir mælikvarðar eigi að vera.

Ég er nú sammála þessari kenningu og mér hefur funndist BSQL vera óþarflega flókið oft á tíðum. Þú þarft að þekkja skipulagsheildina mjög vel til að geta hannað þetta kerfi og ég á erfitt með að sjá að ávinningurinn sé það mikill að hann borgi upp allt erfiðið. Það er til dæmis sagt í BSQL að lyftuvörðurinn þurfi að vita nákvæmlega að markmið hans sé að flytja fólk á skilvirkan og góðan hátt á milli hæða, þetta þarf allt að skrá svo að sá sem á að fylgjast með mælikvarðanum geti nú gert skil á því.

Þið sem þekkið til - hvað finnst ykkur?

Annar skóladagurinn

Dagur númer tvö gekk ekki alveg jafn vel og sá fyrsti. Var mættur út á lestarstöð rétt fyrir átta, keypti miða og rétt missti af lestinni í Skólann. Hafði nú ekki miklar áhyggjur af því þar sem ég vissi að næsta lest færi eftir 10 mínútur. En þá kemur tilkynning í kallkerfið að lestinn sem ég ætlaði að taka stoppi ekki á Schiphol (þar sem ég þurfti að fara og skipta um lest) heldur fari beint á Amsterdam Centraal. Allt lestarkerfið var sem sagt í einhverju tjóni í gær og ég komst í lest 18 mín yfir átta sem átti að fara beint til AMS zuid en hún fór bara á Schiphol þar sem ég þurfti að skipta og komst loksins á áfangastað.

Mættur í skólann rétt yfir níu, tíminn byrjaði á slaginu. tók lyftuna upp á fjórðu og inní stofu 4A00 nema hvað að þar var allt á Hollensku og stærðfræði í þokkabót. Hmm eitthvað hafði ég nú litið vitlaust á töfluna, fór út og kíkti í bókina mína og sá að ég átti að vera í KC135. Hvar í ósköpunum er það nú eiginlega. Skoðaði á öll skiltinn í byggingunni en fann þetta ekki að lokum fór ég og spurði í afgreiðslunni og þar var mér sagt að þetta væri í næstu byggingu. Svo ég hélt þangað og fann að lokum stofuna hálf tíma of seint.

Til að bæta gráu ofan á svart var þetta ekkert sérstakur tími. Hann þuldi bara uppúr bókinni og bætti engu sérstöku við það sem ég hafði nú þegar lesið, hefði sem sagt getað verið heima og klárað að lesa kaflana. En ég þarf í staðinn að gera það í dag því að í næstu viku verður klárað að fara í gengum bókina og verkefnavinna hefst svo í þar næstu viku.

Það góða sem gerðist í gær var að ég pantaði loksins netið, kláraði að ganga frá skólagjöldunum og náði að prenta slatta út. Þannig að ég hef nóg lesefni í dag, best að fara að koma sér að verki!!!

Fyrsti skóladagurinn

Ég fór í fyrsta tímann í gær, management studies. Ég mætti tímanlega því ég átti eftir að kaupa bók og skila af mér nokkrum skjölum á skrifstofuna. Það veitti ekki af þessum tveimur tímum sem ég hafði til þess, rétt meikaði það í tíman á réttum tíma!

Fyrsti tíminn minn fjallaði um stjórnun eða management studies. Það er nú nokkuð skondið frá því að segja að það er ekkert próf í þessu fagi heldur á maður að velja sér spurningu og reyna að svara því afhverju stjórnun er mikilvæg. Það eiga hreinlega allir að geta skilið hvað þetta gengur út á eftir að hafa lesið 15-20 blaðsíðna ritgerð um þetta, allavega út á það gengur þetta verkefni. En síðan þarf maður reyndar að halda úti bloggi um vinnuna og taka þátt í fjórum "áskorunum" til að klára áfangan um miðjan október.

Ef þú lesandi góður ert orðin gersamlega týndur í þessum skrifum að þá finnst mér það ekki skrítið. Mér lýst nokkuð vel á þessa nálgun og held að þetta muni eiga mjög vel við mig. Þeir tala allavega mikið um að við verðum að geta útskýrt það sem við erum að gera á einfaldan og góðan hátt.

Ég var mjög ánægður með þennan tíma og framhaldið lofar góðu.

Af Pöbbarölti, bátsferð og lögreglurassíu

Þetta hefur nú verið viðburðarrík helgi hér í Hollandi. Á föstudaginn var haldið á skipulagt pöbbarölt með skólanum hennar Álfheiðar. Við fengum að kynnast mismundandi pöbbum bæjarins þar á meðal kokteilabar. Við erum kominn með ágætis rúnt fyrir gesti núna sem vilja kynnast pöbbamenningunni, enda er svakalega mikið af pöbbum hér.

Í gær var svo haldið á markaðinn sem er alla miðviku- og laugardaga. Þar er hægt að fá fatnað, efni, kjöt, fisk, grænmeti, blóm og markt fleira. Verður eflaust fastur punktur að skella sér á hann á laugardögum. Eftir stopp í stórmarkaðnum, var haldið í bátsferð. Já áður en við förum í hana að þá vill ég vekja athygli á því hversu frábært hjólið mitt er. Hálfur bjórkassi passar ákkúrat á böglaberann en einmitt var þessi kassi á útsölu á ca 250 kr íslenskar, ekki slæmt fyrir 12 bjóra. Bátsferðin var mjög góð, wim og marielle buðu okkur á siglingu hér fyrir utan borgina. Þar er vatn og hægt að sigla síðan inn í hinar ýmsu borgir hér eftir síkjunum. Svaka kerfi utan um þetta allt saman umferðaljós og besínstöðvar.

Það var áhugavert að sjá að hér rétt fyrir utan á vatninu er eyja sem skátarnir eiga. Þarna fara sjóskátarnir í útilegur og stunda siglingar þaðan. Það eru víst bara um 25 þúsund sjóskátar hér í kring.

Í morgun vöknuðum við upp við það að lögreglan var kominn að heimsækja nágranna okkar í þar næsta húsi. Sáum einn hlaupa undan hér baka til svaka mikill æsingsleikur. Við vorum nú vel sátt við þessa hreinsun og vonumst eftir betri nágrönnum.

Morgun er skráning í bæinn kl. 11:20, verð að mæta á réttum tíma, og svo skólinn eftir hádegi.

Mætti í skólann í dag

Ég mætti í skólann í dag, þurfta að mæta í sérstakan tölvutíma þar sem kennt var á Blackbox (innrivefur skólans). Nokkuð gangslaust enda vitað mál að ég er snillingur þegar það kemur að tölvum  Tja ég lærði samt að skrá mig í kúrsa og fékk að vita hvar bókabúið viðskiptafræðinema er, mæti þar eftir helgi að ná mér í bækur.

Annars er þetta nokkuð þægilegt að komast í skólann, get tekið lest á 15 mín fresti frá Leiden til Amsterdam Zuid þar sem skólinn er. Ferðin tekur 30 mínútur, sem er ekki svo slæmt.

Þegar ég kom heim beið mín langþráð bréf frá bankanum. Ég er kominn með bankareikning en þarf að skrifa undir samningin til þess að fá debetkortið. Þetta þýðir að ég get farið að panta mér nettengingu jibbý!!!

Já út af kommentum um hjólið mitt að þá er þetta nú bara eins og að eiga bíl. Maður þarf að komast á milli staða og í þessum bæ gerir maður það gangandi eða hjólandi.

 

Ég á reiðhjól!!!

Já þið lásuð rétt, við fórum og fjárfestum í tveimur dýrindis reiðhjólum áðan. Ég gleymdi nú að spyrja um árgerðina en svínvirkar og maður kemst leiða sinna, það er meira að segja með þrjá gíra. Við vorum búin að fara á milli hjólabúða bæjarins þegar við duttum niður á eina pínulitla sem gamall karl rekur. Hann var með þessi fínu hjól á nokkuð góðu verði. Það má kannski segja að við séum að nálgast það að verða "eins" og innfædd :-)

 Ég fann líka lausn á lestarmálunum. Við fengum upplýsingar um að það er hægt að kaupa 40% afsláttar miða, maður má bara ekki ferðast fyrir kl. 9 á morgnana. Annars eru engin sér skilyrði. Maður sem sagt borgar 55 evrur fyrir afsláttar kort sem gildir í ár. Ég fékk strax bráðabirgðakort því það tekur víst 8 vikur að fá endanlegt kort :-)

Eitt skemmtilegt gerðist áðan þegar við vorum að leita að hjólabúðinni. Við gengum frám hjá timburstafla merktum BYKO. Við trúðum nú ekki okkar eigin augum en satt er það. Djö gleymdi að taka mynd!!!

Það er ekki útlit fyrir að við fáum varanlega nettengingu fyrr en í enda september. Ég þarf fyrst að vera kominn með bankareikning til að geta pantað netið og ég fæ ekki reikning fyrr en eftir helgi og svo tekur þetta þrjár vikur að fá tenginguna. Allt tekur tíma í þessu landi. 

Fyrsta heimsóknin í skólann

Ég fór áðan í skólan og fékk heilmikið af upplýsingum:

• Gul mappa um það hvernig maður á að stofna bankareikning
  fór í bankann og stofnaði reikning, þetta tekur um viku
• Rauð mappa vegna skráninga í skólann
  Sko ég get ekki klárað skráninguna fyrr en ég er búinn að fá bankareikning, ganga frá tryggingarmálum og skrá heimilið mitt í Hollandi
• Græn mappa með upplýsingum um skólann
• Blá mappa með upplýsingum um netmál, black box og fleira nytsamlegt

Skólinn lítur mjög vel út, nálægt lestarstöðinni. Ferðalagið tók um 30 mínútur. Slæmu fréttir dagsins eru að það verður dýrt að vera að ferðast á milli, þetta kostar um 200 evrur á mánuði.

Annars er þetta allt að hafast að klára þessi skráningarmál og hefja námið!

Kominn til Hollands

Jæja við erum komin til blómalandsins Hollands. Ferðalagið gekk rosalega vel, vorum sótt út á flugvöll af Marielle, Wim og börnunum þeirra. Þau keyrðu okkur beint á leigumiðlunina þar sem skrifað var undir leigusamning og haldið heim á leið á nýja heimilið okkar:

Morsweg 39, 2312 AB, Leiden, Netherlands.

Leigusalinn kíkti svo á okkur skömmu seinna með auka lykla og kom aftur daginn eftir þar sem við fórum yfir alla hluti sem í íbúðinni eru. Íbúðin er frábær með öllu sem hugsast getur, meira að segja voru nýir tannburstar á klósettinu. Við höfum nú sofið vel hérna og getum borðað út í garði alla daga.

Í gær skruppum við til Amsterdam að hitta Fjalar og Sigrúnu, sem voru þar í sumarfríi. Eyddum góðum degi með þeim að kynnast borginni. Við þurfum víst að gera betri úttekt á þessu öllu saman áður en gestir fara að láta að sjá sig. En ótrúlega flott borg sem hefur uppá margt að bjóða.

Leiden er reyndar nokkuð skemmtileg borg. Við fórum t.d. í bíó á föstudaginn að sjá Simpsons. Bíóið er í 70's stíl mjög skemmtilegt að koma í það. Síkin umlyggja allt og allar helstu stórverslanir í nágrenninu.

Frá heimili okkar erum við ca 5 mínútur allt, niður í bæ á lestarstöðina í stórmarkaðinn og svoleðis. Við erum reyndar bara mínútu á pöbbinn, sjoppuna og bakaríið. Ekki slæmt það.

Álfheiður skrapp í bæinn og ég er að vinna að skátablaðinu. Best að koma sér að verki. Myndir koma seinna í dag.